சேர்ந்து வாழ்வதும், திருமணத்திற்கு முன் உடலுறவும் தனிமனித உரிமை: உச்சநீதிமன்றம் தீர்ப்பு :குஷ்புவுக்கு வெற்றி

“அதான் நைட்டெல்லாம் கட்டி வச்சி அடிச்சீங்கில்ல.. போங்கய்யா போயி புள்ளங்கள படிக்கவைங்க.. வந்துட்டாங்க பெருசா கலாச்சாரத்த காப்பாத்த”

உச்சநீதிமன்ற தீர்ப்பு செருப்பெடுத்து விளாசி இருக்கு இந்த கலாச்சார காவல் கும்பல. குஷ்பு சொன்னது அவரது தனிப்பட்ட கருத்து, அதற்கு சட்டத்தில் இடமுள்ளது. ஒரு ஆணும் பெண்ணும் சேர்ந்து வாழக்கூடாதுன்னு எந்த சட்டம் சொல்லுச்சு?? கல்யாணம் பண்ணிக்கிட்டு தான் உடலுறவு வச்சிக்கணும்னு எந்த சட்டம் சொல்லுச்சு?? வாழ்வதும், உடலுறவும் அவரவர் தனிப்பட்ட விருப்பம், அதை பாதுகாப்பது சட்டத்தின் கடமை.

குஷ்புவின் அறிக்கையால் எத்தனை பெண்கள் வீட்டை விட்டு ஓடி இருக்கிறார்கள் அல்லது தவறான வயதில் உடலுறவு கொள்கிறார்கள்?? உங்கள் வீட்டிலிருந்து எந்த பெண்ணாவது வீட்டை விட்டு ஓடி இருக்கிறதா குஷ்புவின் பேட்டிக்கு பிறகு? அப்படி இல்லையெனில் நீங்கள் எந்த வகையில் பாதிக்கப்பட்டீர்? என வருத்தெடுத்து, குஷ்பு மீதான 21 வழக்குகளையும் தள்ளுபடி செய்திருக்கிறது.

இந்த செருப்படியுடன் விட்டிருக்க கூடாது, அந்த பெண்ணிற்கு ஏற்பட்ட மன உளைச்சலுக்கும்,தனிப்பட்ட உடமை பாதிப்புகளுக்கும் இழப்பீடு கொடுக்க உத்தரவிட்டிருக்க வேண்டும். ஊர் ஊரா சென்று மரங்களை வெட்ட வேண்டியது, போராட்டம் நடத்தி பொதுசொத்த பாழ்பண்ண வேண்டியது, சாதிக்கலவரத்த தூண்ட வேண்டியது, கொலை பண்ணவேண்டியது, மக்கள் பணத்த கொள்ளையடிக்க வேண்டியது இதெல்லாம் குற்றம் இல்ல....

எவன் எவளோட படுத்துட்டுருக்கான்னு வெளக்கு புடிக்குறத்துக்கு மட்டும் ஒரு குரூப்பாத்தான் அலையறானுங்க போல... ஆமா உங்க தொழில் தான் என்ன? அடுத்தவன் எப்ப கோவணத்த அவுக்கறான்னு பாத்துட்டு இருக்கறதா?? அதுதான் உங்க பண்பாடா? காலாவதியான சாரமா?? வேலையத்தவனுங்க.

இராமநவமி சுண்டல்

இராமநவமி கர்நாடகாவில் மிகவும் சிறப்பாக நடைபெற்றது. மாநகராட்சி தேர்தல் நேரம் என்பதால், சந்து பொந்தில் இருக்கும் கோயிலில் எல்லாம் Unofficial அன்னதானம் மற்றும் அரசியல் கட்சிகளின் போட்டி சாப்பாடு என ஒரே கொண்டாட்டம் தான். பிஜேபி’யின் ஆஸ்தான நாயகன் ராம் எனவே அவர்களின் வேண்டுதல்களும், அன்னதானமும் களை கட்டியது.

மணிக்கொரு கும்பல் வீட்டு கதவை தட்டி ஓட்டு கேட்டு, எங்களின் பெயர் பட்டியலில் இல்லை என்பதில் மிகவும் கவலையுற்று, சோகத்துடன் திரும்பியது. தரைத்தள வீட்டில் இருந்தால் இந்த இனிய தொல்லைகள் அனுதினக்காட்சிகள். (சீக்கிரம் பெயர்பட்டியலில் இணைக்க வேண்டும்: தேர்தல் சமயத்தில் 1000-2000 தேறும் :) )

சரி ராம் கதைக்கு வருவோம். Corporate Disucssion / Lunch Talks ஒரு அபாயகரமான ஏரியா. எதை தொடுவது எதை விடுவது என யோசித்து யோசித்து பேச வேண்டி இருக்கும். தின்ன உக்காரும் கூட்டத்தை பொறுத்தும் அதுமாறுபடும். முஸ்லீம் பசங்கள் வச்சிகிட்டு பாகிஸ்தான், தீவிரவாதம் என்று பேசுவது கஷ்டம். நம்மள் வச்சிகிட்டு காவிரிய பத்தி பேச பெங்களூர் பசங்களுக்கு கஷ்டம். கல்யாணமாகியிருந்தா பிகர் குறித்து பேசுறது இன்னமும் தொல்லை. இதில் போன வாரம் ஒரு சுவாரஸ்யமான விவாதம் நடந்தது.

14 வருசம் காட்டுல சுத்துன ஜோடிக்கு ஏன் குழந்தை இல்ல? இராவணன் கிட்ட இருந்து வந்த பின்னாடி தான லவ குசா ராமாயணத்துல எண்ட்ரி, அதனால அது இராவணனோட குழந்தங்க அப்படின்னு ஒரு தரப்பு எடுத்து விட... உள்ள நுழையலாம வேணாவான்னு எனக்கு ஒரே குழப்பம்.

அதுவும் சரிதான். எல்லாம் தெரிந்த ராமனுக்கு அது தன்னோட குழந்தைங்க என்பது தெரியாதா?? அப்படி இல்லாத பட்சத்தில் தானே மனைவி மீது சந்தேகம் மற்றும் அவளை காட்டுக்கு துரத்தல்?? கடவுள் மனித அவதாரத்தில் இருந்தாலும், அடிப்படை நாள் கணக்கு கூடவா தெரியாது, அது தன் குழந்தையா இல்லையா என அறீய?? எழவெடுத்தவன் அந்த கணக்கு கூட தெரியாம என்னத்தடா ஆட்சி செஞ்சிருப்பான்?

அடுத்த கேங்: இல்லடா... அந்த ஆளபாத்தாலே ஒரு மாதிரியா இருக்கான்.. இதுல ஒரு தம்பி கூட ஓவர் கனெக்சன்... ஒருவேள அவனா நீயீ மாதிரி இருக்குமோ... அதனால தான் 14 வருஷம் பிள்ளை இல்லையோ?? - எனக்கு இது கொஞ்சம் அதிகமாகவே பட்டது. திருநங்கைகளையே அரவணைக்கும் மனப்பக்குவத்தில் இந்த முன்னெடுப்பு சரியான திசையில் செல்வதாக எனக்கு தெரியவில்லை. இருந்தாலும் நண்பர் விடாமல் - அந்த ஆள் அந்த மாதிரி கேசுன்னா எதுக்கு சும்மா ஒரு புள்ள வாழ்க்கையா பாழாக்கனும், அப்புறம் அவள காட்டுக்கு அனுப்பனும், இதுல சாமி காமின்னு யோக்கியத வேற எதுக்கு?? தம்பி கூடவே சந்தோசமா இருந்த்து தொலைக்க வேண்டியதுதான...

பெங்களூரில் நிலவும் multiculture, multi dimensional thought process’ல் அலசப்படாத கருத்துக்களே இல்லை எனலாம். அதில் ராமனின் டிரவுசரும் கழட்டப்படுவதில் எந்த ஆச்சரியமும் இல்லை. இது எந்த வலையிலும் பெண்மையை இழிவுபடுத்தும் பதிவல்ல. சீதா என்ற பெண் உண்மையே என்றால் அந்த பெண் சிந்தியா கண்ணீரே, இன்றளவும் ராமன் என்ற பாத்திரத்திற்கு கிடைக்கும் அனைத்து அவமரியாதைக்கும் அடிப்படை என்றே நினைக்கிறேன்.

ஆதியில் வீடியோக்கள் இல்லை (அ) என்ன கொடும நித்தியானந்தம் இது??!!

சாமிகளின் காமலீலை குறித்து எழுதப்புகுந்தால் என் டிரவுசர் நனைந்துவிடும் எனவே அதை தி.க. வெளியீடுகளை படித்து அறிந்து கொள்ளுங்கள். உலக மதங்களிலே அதிகபட்ச Porno Contentஜ உள்ளடக்கியது பொந்து மதம் தான். தொட்டதுக்கெல்லாம் தூக்கிட்டு நிக்குற சனங்க அதை அனுபவித்து அனுபவித்து எழுதி, சிலையில் வடித்து, காமசூத்திரம், கொக்கோகம் என இன்னிய வரைக்கும் non stop innings நடந்து கொண்டிருக்கும் நாட்டில் ஒரு தனி மனிதன் தன் உடல் தேவையை தனித்துக்கொள்வது எவ்விதம் தவறு?? இந்திரன் செய்யாததா?? கிருஷ்ணன் செய்யாததா? ரதி-மன்மதன் என தனி இலாகாவே இருக்கிறதே சாமி... நித்தியானந்தா மட்டும் என்ன செய்யமுடியும்??

ஆதிகாலத்தில் விடியோ கேமராக்கள் இல்லை. இல்லையென்றால் இன்று சாமியார்கள் என்ற கான்செப்டே இருந்திருக்காது என நினைக்கிறேன்.. கோயிலில் கோவனத்தை அவுத்த சாமியாரை ஒப்பிட்டால் நித்தியானந்தம் எவ்வளவோ பரவால்ல!

(தேவநாதன்: நம்ம ரேஞ்சிக்கு ரஞ்சிதா செட்டாகுமா... ஏதோ கோயிலுக்கு வந்து போற ஆண்டிகள மட்டும் தான் மடக்க முடிஞ்சது! நித்தி... கோயில் தான் safe.. இங்க வீடியோ கேமரால்லாம் இருக்கது.. என்ன பொழக்க தெரியாத புள்ளயா இருக்க போ!!! சொல்லிருந்தா காஞ்சிபுர குறுக்கு சந்து கோயில்ல ஒன்ன செட்பண்ணி தந்திருப்பேனே...தம்பி நாம பூணூல் கேட்டகிரி... அதனால damage அவ்வளவாக இருக்காது..)

(காஞ்சி சங்கரா...: அந்த பிகர் நமக்கு மடங்காம போச்சே :( ... இளைய மடத்துகிட்ட சொல்லி profile update பண்ண சொல்லனும்... ஒன்னும் பண்ண முடியலன்னாலும் பாத்தவது பசிதீத்துக்கலாம்மோன்னோ)

இந்திய அல்லது தமிழ் hypocrisy என்பது இதுதான்... நீங்க மட்டும் குஜாலா இருக்கலாம்.. உங்க கஷ்டம் கவல துன்பத்த போக்குற சாமியார்க்ள் மட்டும் எல்லாத்தையும் கையில் புடிச்சிக்கிட்டு அமைதியா இருக்கனும்??? என்ன கொடும நித்தியானந்தம் இது?? அவன் அப்படியே control பண்ணிட்டாலும் NightFall இருக்குமேடா.. அதுக்கு என்ன பண்ண போறீங்க?? அவனுக்கு வரக்கூடாதுங்குறது உங்க பிரச்சனையா அல்லது ஒரு நடிகையை அ பெண்னை கூடிவரக்கூடாதுங்கறது உங்க பிரச்சனையா?? அவன் rest room'ல் தன்கையே தனக்கு உதவி என ஒக்காந்துட்டா உங்களுக்கு எதும் பிரச்சனை இல்லையா??

மதம் தனிமனித உரிமை என்றால் காமமும் தனிமனித உரிமை தான். வியாபாரமாகவில்லை: மோசடி இல்லை: ர நடிகை நித்தி மீது காதலாய் கசிந்துருகி கண்ணீர் மல்கி இருக்கலாம்... அதுவும் அவர் தனிப்பட்ட உரிமையே. என்னவோ இவனுங்க உசுரே போறமாதிரில்லா சீன போடுறாங்க எல்லாம்??

நித்தியானந்தம் ஒரு போலி! சாமி-சாமியார் என்பதே ஒரு போலிதான். போலச்செய்தல் தான் கடவுள் என்ற concept. இதில் என்ன உண்மையை எதிர்பார்க்கிறார்கள்?? அவன் வசூல் செஞ்ச பணத்துக்கு உங்களுக்கு எதும் நல்லது நடக்கலன்னா அதுக்கு நீங்கள் கேள்வி கேக்கலாம்.. அது பிசினஸ் தர்மம். அவன் கோவணத்த அவுத்ததுக்கெல்லாம் இப்படி கொடிபிடிக்கிறீங்களேடா... உங்களுக்கெல்லாம் வேற வேலையே இல்லையா??

கேரளா தண்ணி தரல, அரசியல் வாதி 1000 கோடியா ஏப்பம் விட்டுகிட்டு இருக்கான், bt brinjal உள்ள வர பேரம் நடக்குது, ஓட்டுக்கு 1000 ரூபா வாங்கிட்டு எல்லாத்தையும் வேடிக்கை பார்க்க வேண்டியது.. எவனாவது ஏமாந்தவன் தன் இயற்கை தேடலை எறக்கி வைக்க பார்த்த போராட்டம், கொடி, கண்டனம் - சீ பொழப்பத்த பசங்களா..

1000த்தில் ஒருவன் - ஈழவீழ்ச்சிக்கு பின்னான மிகமுக்கியமான படைப்பு

ஈழத்துயரத்தை கூவிவிற்று காசாக்குவதாக ஆஓ’வின் மீது எழும் குற்றச்சாட்டுகளை அது எழும்பும் பின்புலம் சார்ந்தே எதிர்கொள்ள வேண்டும். வரலாறு முழுவதும் வன்கொடுமையிலும், அதிகார வர்க்க ஒடுக்குமுறை, பேரினவாத, முதலாலித்துவ, கம்யூனிச என அனைத்து கோட்பாடுகளின் அடக்குமுறைகளாலும் வாழ்வை, எதிர்காலத்தை, இன இருப்பை தொலைத்த மக்கள் கூட்டம், தத்தம் கலை, மொழி, படைப்புகளின் வழியே அந்த வலியை, ஓலத்தை கைமாற்றி தந்தபடியே இருக்கிறது.

ஆன்மையற்ற தமிழினம் மட்டுமே சிறு குற்ற உணர்ச்சியுமின்றி, அதிகார போதைக்கு ஈழ உதிரத்தை ஊறுகாயாக தொட்டுக்கொண்டு, தொலைகாட்சியில் மானட- மாராட, டீலா பூலா என விசனப்பட்டு, மகிழ்வுடன் வாழ்வை கழிக்கிறது. தொடர்ந்து ஒடுக்கப்பட்ட இனத்தின் வரலாற்று உணர்ச்சியை மழுங்கடித்த வேலையை ஆரிய, களப்பிர, தெலுங்கு அரசுகள் செவ்வனே செய்து வந்ததின் பலன், இன்று அது தமிழனின் அடையாளமாகவே ஆகிவிட்டது.

வேர்களை காக்கும் கலை இலக்கிய துறைகள் இதுவரை விதையற்ற நாயின் முயத்தல் கனவுகள் போலவே கையாலாகாத படைப்புகளாக வாந்தி எடுத்து வைத்திருக்கிறது. அதிகார துதிபாடிகள், அடிமை படைப்பாளிகள், சனாதான சாம்புகள்- இதில் இன அடையாளத்தை எங்கே தேடுவது. கல்தோன்றி கதைகள் உண்மைதான் போலும், மக்களை விலங்குகளாக மாற்றியதில் அதிகார, ராணுவ ஒடுக்குமுறைகளுக்கு அளப்பரியா வெற்றி.

ஏழு தடைகள் என்பது நம்மினத்தை ஒடுக்கிய சிங்களர்கள் மேற்கொண்ட முயற்சிகள் எனலாம். காவலை உடைத்து, மக்களை கொன்று, உறவாடி கொடுத்து, (நடராசனின் நிழலில் பாயும் புல்லுருவிக்கூட்டம் நமக்கு உணர்த்துவது தில்லையின் தற்போதைய பெயர்-நடராசர் ஆடுவது-சிதம்பரம்!!.. புள்ளிகளை இணைக்கவும்).

இந்த வலிகள் அனுதினம் நம் இருத்தலின் சுயமாக மாறிவிட்ட வேளையில், செல்வராகவனின் ஆயிரத்தில் ஒருவன், கவனிக்கத்தக்க வரலாற்று ஆவணமாக, அடக்குமுறை அரசாங்க சூழலில்- தமிழனின் வீழ்ச்சியை பூடகமாக பதிந்து, நம் துயங்களுக்கான தூரிகையை வீச்சுடன் நிரப்பி, வலிகொள்ளச் செய்திருக்கிறார்.

ஆஸ்கார் புடுங்கிகள், தமிழகத்தை வாழவைக்க வந்த வள்ளல்கள், வருங்கால முதல்வர்கள், கங்கை அகோரிகள் வந்து காப்பற்றும் தமிழ் அபலை என நாறிக்கிடக்கும், ஈழத்துயரத்தை படமெடுக்க தாகமிருக்கிறது, தைரியமில்லை என குழப்பமாய் பேசித்திரியும் அவதாரங்களின் நடுவில், செல்வராகவன் உண்மையிலே ஆண்மகன் தான்.

சோழன், பாண்டியன் என்பது இங்கு குறியீடுகளே. குறியீடுகள் கொண்டு உண்மை பதிக்கப்படும், இங்கு உண்மைகளை கொண்டு குறியீடுகள் மறைமுகமாக உயிர்கொள்கிறது. சிங்கள்-பாண்டிய-கேரள கூட்டணி சோழத்திற்கு எதிராக திரண்டெழுந்த சான்றுகள் சோழவரலாறு முழுக்க வழிகிறது. பாண்டியர்கள் என்பது இங்கு சிங்களர்களுக்கான பதிலீடு. சோழம் என்பது தமிழர்களுக்கான குறியீடு. வில்லும், அம்பும், வீரமும் பீரங்கியின் முன்னே, குண்டுகளின் முன்னே, கருவறுத்தலின் முன்னே, துரோகத்தின் முன்னே, புல்லுருவிகளின் முன்னே என்ன செய்ய முடியும்?

கருணாக்கள் பெண்வடிவில் வந்திருப்பது இரட்டைக்குறியீடு. நீங்கள் கருணாவாய் இருந்து அதிகார துணையுடன் ஒடுக்கி, ஆனந்திக்கலாம் அல்லது சோழ தலைவனாய், உங்கள் மனைவியை நிர்வாணமாய் ஆடவிட்டு, கையறு நிலையில் உயிர்விடலாம். விரிந்த கால்களின் வழியே உயிர்பிரிந்த உங்கள் சகோதரிகளின் நிலைகுத்திய விழிகளின் வலியைச்சுமந்து நடைபிணமாய் வாழ்க்கையை கழிக்கலாம்.

ஆயிரத்தில் ஒருவன் குழம்பி, குழப்பி, திசையற்ற இருளில் பயணித்தாலும், அடிநாதமாய் அதுசுமந்து மடியும் சோகம், நம் இனத்தின் வீழ்ச்சியே. அதை துணிந்து படமாக்கியதற்காக செல்வராகவனுக்கு நமது வணக்கங்கள். உறவாடி குடிகெடுக்கும் உதவாக்கரைகளை, துரோகத்தின் கால்களை, அடக்குமுறையின், பேரினவாதத்தின் கொடுமையை வெளிப்படையாக பதிந்ததற்காக செல்வராகவன், தமிழக படைப்புலகில் என்றென்றும் மதிக்கப்படுவார்.

ஈழத்து வலிகளை, வதைகளை வார்க்கும் முயற்சியில் 3 ஆண்டுகளுக்கு முன்பு ஆரம்பித்த படைப்பை பல இடங்களில் மாற்றி, வளைத்து நம் இனத்தின் கண்ணீரை வீரமுடன் பதித்து அதில் வெற்றியும் கண்டிருக்கிறார். வில்லும், அம்பும், வீரமும், காதலும், பண்பாடும், மொழியும் தோற்கும் - ஒடுக்குமுறையும், துரோகமும் வெற்றிபெரும் என்பதே உண்மை.

ஆயிரத்தில் ஒருவன்- வீழ்ந்தவர்களின் கதை, வாழ்பவர்களுக்கு பாடம். செல்வராகவன் மற்றும் குழுவினருக்கு பெருவணக்கம். இழவு வீட்டில் குறைகண்டு என்ன செய்ய? இது மரணத்தின் ஓலம். இயலாமையின் வலி. இரண்டாம் பாகமெடுத்தால், நாம் வாழ்ந்த கதையை சொல்லுங்கள். யுகாந்திரங்களுக்கான வாழ்வை 30தே ஆண்டுகளில் வாழ்ந்து, எதிர்காலத்திற்கான வித்தாய் மடிந்த கருங்கூட்டம், கரும்புலி, உதிரம் சுரக்கும் முலை என்றும் நம் நினைவுகளில் இருந்து அழியாது. அவர்கள் காட்டிச் சென்ற வழியும் அழியாது.

தமிழகம் தமிழர்களுக்கானதல்ல, போய்வாரும் ஏந்தலே. போய்வாரும் ஏந்தலே. போய்வாரும் ஏந்தலே. போய்வாரும் ஏந்தலே.

தேவநாதனின் பிந கட்டுடைத்தல் அல்லது அம்பி தேவநாதான் வாழ்க!

மாமியார் உடைத்தால் மண்குடம், மருமகள் உடைத்தால் பொன் குடம்! பொந்து மதம் முழுக்க சாமிகளும், கோயில்களும் கூத்தாடி மடங்களென செயல்பட்டு, கல்லுக்கு தாலி கட்டி, அதற்கு கல்யாணம் செய்து வைத்து, பிள்ளைகளும் பெற வைத்து அதற்கும் 2 பொண்டாட்டி, ஊரெல்லாம் வைப்பாட்டி என கதைகள் சொல்லி... உடலெல்லாம் பெண்குறி முதல், அடுத்தவன் பொண்டாட்டியை ஏமாற்றி கெடுப்பது வரை.. பொந்து மதம் நிஜமாகவே பொந்து மதம் தான். எந்த பொந்து என்ற அதிபுத்திசாலித்தன கேள்வியெல்லாம் கேட்டால் நான் தேவநாதனிடம் refer செய்யவேண்டி இருக்கும். :) :)

ஏழைக்கு ஏத்த எள்ளுருண்டையாய் தேவநாதன் மாமிகளை கரெக்ட் செய்ய, சங்கராச்சாரியாரெல்லாம் இளமை புதுமை பிகர்களையே மடக்கி போட்டவர். பின்நவீனத்துவ கட்டுடைத்தலின் முழு பிம்பமாய் திகழும் தேவநாதன் முதலானவர்கள் போற்றப்பட வேண்டியவர்கள். கடவுள் என்பதெல்லாம் கல், மற்றும் கல்லா கட்டுதல் என்பதை முற்றும் முடிவாக உணர்ந்தவர். From Sex to Super consciousness என கதை விட்ட ஓஷோவையெல்லாம் ஓரங்கட்டிய அரைக்குடுமி. :)

பொட்டு கட்டி தேவதாசிகளுடன் கருவறை கல்யாணமண்டபம் ஆயிரங்கால் மண்டபம் என ஓடிப்பிடித்து விளையாடிய ஆரோக்கியமான சமூக பிண்ணனியில் இருந்து வரும் தேவநாதனின் சிந்தையில் இழந்த பெருமைகளை மீட்கும் வரலாற்று கடமை மலையென முன்நின்றிருக்கிறது. கல்யாணம் ஆகி மனிவியும் பிள்ளையுமாய் இருக்கும் கடவுள்கள் இரவில் என்ன செய்வார்கள்?! என்ற மில்லியன் டாலர் கேள்வியும் தேவநாதனுக்கு எழுந்திருக்கலாம். :)

ரமேஷ்:பிரேமின் மொழிவிளையாட்டில் சொல்வெதென்றால்... அதீத இருட்டில் அடைபட்டிருக்கும் தெய்வபிம்பங்கள் ஆடையினை தொலைத்து சூழலை ஓளிபெறச்செய்தது. கற்கள் மோதிக்கொள்ளும் ஒலி இருட்டை கிழித்து அண்டவெளியின் ஆத்ம தாகத்தை தணித்தது. :)

கோயில் என்றால் வழிபாடு என்ற இடைச்செருகலை கட்டுடைத்து, கருவறை, பள்ளிஅறை என்பதன் அடிநாதமான விளக்கத்தை மக்களுக்கு “படம்” பிடித்து காட்டிய புரட்சியாளர் தேவநாதன் போன்ற சமுதாய முன்னேடிகளே பெரியருக்கு பின்பான சுயமரியாதை தமிழகத்தின் தேவை. :) பெரியாரும் செய்திருக்க முடியா புரட்சி இது, ஆனால் வரலாற்றின் பக்கங்களில் மிக கேவலமாக பதிய வேண்டி இருப்பது, தேவநாதன் போன்றோர் முன்னெடுக்கும் புரட்சியினை அழிக்க நினைக்கும் ஆத்திக அறைகுறைகளின் திட்டமிட்ட சதி என்றே நினைக்கிறேன். :)

திரட்டப்பட்ட கூலிப்படை துடைப்பம், முறம் மற்றும் முட்டை எறிகையில் மனதிற்குள் வடை போச்சே என்ற Nancy Friday Women on Top Fantazy கனவுகள் வந்திருக்க வாய்ப்பிருக்கிறாதா இல்லையா என்பதை பிராய்டின் தீவிர மாணவர்கள் யாராகிலும் இருந்தால், அவர்களுக்கென விட்டு வைக்கிறேன். காதல் புனிதமானது, காமம் புனிதமானது, புதிரா/புனிதமா, கணவன் தேவன் மனைவி தேவி.. என்பதெல்லாம் மிகச்சரியான நடைமுறைபடுத்தலுக்கு உட்படுத்தப்படுகையில், அதற்கான களம் “புனிதம்” என கட்டமைக்கப்பட்ட கோயில் தான் சரியான இடம் எனபதை உள்ளங்கை நெல்லிக்கனி என அறிந்தரதவரா தேவநாதன்?? :)

கட்டுடைத்தலுக்கு ஆள் சேர்க்கும் பிநா சங்கம் ஏற்கனவே தேவநாதனை அதன் தலைவராக ஏற்றுக்கொண்டதான நிலாமுற்ற கூட்டமொன்றில் குஜிலி, குஜாலிகளுக்கு மத்தியில் அறிவித்தாகிவிட்டது. அடுத்த திட்டமாக, மேலும் பல தேவநாதன்களை உருவாக்கும் ...த்துபட்டறை ஒன்றையும் உருவாக்குமாறு பீடங்கள், மடங்கள், முடங்கள், குடங்கள் அனைத்திற்கும் அவர்கள் ஏற்கனவே விரிவான குறிப்பு ஒன்றை பௌர்ணமி மேகங்களுக்குள் தொலையும் இரவொன்றில் அனுப்பிவைத்தற்கான பிரதியை தேவநாதனின் சிறைச்சாலை சுவர்களின் செங்கற்களில் படிமச்செய்தியாய் அனுப்பிவைத்திருக்கின்றனர்.

கடைசியாக எதிர்கட்சியினருக்கு ஒன்றே ஒன்றை மட்டும் சொல்லிக்கொள்ள நான் கடமைப்பட்டிருக்கிறேன்... முடிந்தால் இந்த தேர்தலில் தேவநாதனை தோற்கடித்து பாருங்கள்... அவரின் குடுமியை அசைக்கமுடியாது என்பதை அவருடன் கருவறையை பகிர்ந்துகொண்ட 15பெண்களின் மீது சத்தியமாக சொல்க்கொண்டு என் உரையை முடித்துக்கொள்கிறேன் நன்றி வணக்கம்.

அம்பி தேவநாதன்.... வாழ்க உங்கள் ஓட்டு தேவநாதனுக்கே... அம்பி தேவநாதன் வாள்ள்ள்ள்ள்க...

தொடர் விளையாட்டு

கடந்த 5 வருடங்களாக தமிழகத்திற்கு வெளியே வசிப்பதால், அன்றாட கவனிப்புகளின் பாதிப்புகள் மிகவும் குறைவு. தமிழைத்தவிர மனிதர்களும், படிமங்களும் மறந்து போன ஒரு தருணத்தில் இந்த பட்டியலை எழுதுவது சற்று சிரமமான காரியமே.

ஏனெனில், வீடெடுக்கும்போதே தமிழர்கள் இருக்கும் ஏரியா என்றால் சற்று யோசிப்பவன் நான். இதுபோன்ற ஒரு சுரணையற்ற, இன-மொழி-வரலாற்று அறிவற்ற, சுயலநல- சுரனையற்ற கூட்டத்தை நீங்கள் நிலா-மார்ஸ் ஏன் ஆன்ரோமீடியாவில் தேடினாலும் கிடைக்காது. அதில் பிடித்த-பிடிக்காத கூட்டத்தை எப்படி இனங்காணுவது??

நட்பின் வேண்டுகோளுக்கிணங்க....

1.அரசியல் தலைவர்

பிடித்தவர் : தொலைநோக்கோ, இனப்பற்றோ, தெளிவோ, உறுதியோ யாரிடமும் இல்லை. வரும் நாட்களில் திருமா கவனிக்கப்படலாம்.

பிடிக்காதவர்: ஜெ, வைகோ


2.எழுத்தாளர்

பிடித்தவர் : அவ்வளவாக படிப்பதில்லை, சமீபத்தில் வியந்த படைப்பாளி என்றால் தோப்பில் முகமது மீரான்இவரைத்தெரியவில்லை என்றால் நீங்கள், ஜெமோ, சுரா, எஸ்ரா, மபு வகையாரா என நினைக்கிறேன்). ஜே.பி சாணக்யா, கி ராஜநாராயணன் விருப்பம். என்றென்றும் கலைஞர். ரமேஷ்:பிரேம். ஒரு புளியமரத்தின் கதைக்காக : சுரா

பிடிக்காதவர் : எல்லோருமே பிடிக்காதவர்கள் தான். எனினும் எழுதும் மன உறுதிக்காக யாரையும் குறிப்பாக சொல்ல விருப்பமில்லை. வேர்களைத் தேடி பதிய முயலுங்கள், அதுமட்டுமே என் வேண்டுகோள்.

3.கவிஞர்

பிடித்தவர் : கல்யாண்ஜி, ரமேஷ்:பிரேம், விக்கிரமாதித்தியன், கலைஞர்.. புதிதாய் எழுதும் எவரும் பரிச்சயமில்லை.

பிடிக்காதவர் : எல்லோருமே பிடிக்காதவர்கள் தான். எனினும் எழுதும் மன உறுதிக்காக யாரையும் குறிப்பாக சொல்ல விருப்பமில்லை. வேர்களைத் தேடி பதிய முயலுங்கள், அதுமட்டுமே என் வேண்டுகோள். :)

4.இயக்குனர்

பிடித்தவர்: பாரதிராஜா, பாலுமகேந்திரா, பாலா, சேரன், செல்வராகவன்

பிடிக்காதவர் : பெரும்பாலான இயக்குனர்கள்.


5.நடிகர்

பிடித்தவர் : கமல், விஜய், ரஜினி, பிரகாஷ்ராஜ் (தமிழை அழகாக பேசுவதற்காகவே இவர் மீது பெருமதிப்புண்டு), ரகுவரன், கவுண்டர், வடிவேலு, ராமராஜன் (தெளிவான, நேர்மையான பாத்திரங்களுக்காக-எம்ஜிஆருக்கு அடுத்தது அப்படி முயன்ற ஒரே நடிகர் எனலாம்)

பிடிக்காதவர் : பெரும்பாலான நடிகர்கள்


6.நடிகை

பிடித்தவர் : மாதவி, பானுப்பிரியா, ரேவதி, அர்ச்சனா, கோவை சரளா, ராதா, அம்பிகா

பிடிக்காதவர் : நடிகைகளுக்காக படம் பார்த்ததில்லை. எனவே பிடிக்காதவர் என்று குறிப்பிட்டுச் சொல்ல யாரும் இல்லை


7.இசையமைப்பாளர்

பிடித்தவர் : இளையராஜா
பிடிக்காதவர்: யாரையும் தேடிச்சென்று கேட்பதில்லை.


8. பாடகி & பாடகர்

பிடித்தவர் : டிஎம் எஸ், பிபிஎஸ், இளையராஜா, ஏசுதாஸ், சுசீலா, சித்ரா, ஜானகி, ஸ்ரேயா கோஷல்,

பிடிக்காதவர் : அப்படி யாரும் இல்லை. தமிழை கொல்லும் இந்தி பாடகர்களை அழைத்து வருவரும் இசை அமைப்பாளர்கள்.


9. தொலைகாட்சி நிகழ்ச்சி

பிடித்தது : ஜெயா மேக்ஸ் பாடல்கள்
பிடிக்காதது : மற்ற அனைத்தும்


10. சமீபத்தில் ரசித்த திரைப்படம்

பிடித்தது : சுப்பிரமணியபுரம், பசங்க
பிடிக்காதது: சொல்ல நினைப்பது : (நீங்க இன்னும் வளரணும் தம்பி)

யாரை அழைப்பது எனத்தெரியவில்லை: தொடருக்கான இருவரை அழைக்கும் சுமையை மீண்டும் ராஜசேகரிடமே விடுகின்றேன். ராஜ் மன்னிக்கவும்.

Its time to kill the PARENTS!

காதலெனும் வார்த்தையின் புரிதல் சமூகம், தனிமனிதன் என்ற அடையாளங்களுக்கேற்ப மாறுகிறது. அதற்கென ஆதிமுதல் சேர்க்கப்பட்ட, புரிந்துகொள்ளப்பட்ட காரணிகள் அதன் வேலையை செவ்வனெ செய்கிறது. அலர் தூற்றல் சங்கம் முதல் சமூக கடமையென தொடரும் வன்முறை. வீட்டில் நிகழும் வன்முறைகள், சமூக எதிர்பார்ப்பிற்கேற்ப, சமூக பின்விளைவுகளை மனதிற் கொண்டு கூடவோ, குறையவோ செய்கிறது.

சமூகத்தின் போலி எதிர்பார்ப்புகளில் இருந்து தன் அன்பின் எச்சங்களை, வாழ்வின் அர்த்தங்களை காத்திட வேண்டிய பெற்றோர்கள், மூர்க்கத்தனமாக அன்புகொண்ட நெஞ்சங்களின் தேடல்களை கருக்கி, ஒழுக்க விதிகளின் ஒட்டுமொத்த உருவம் என் பிள்ளை என பெருமைப்படும் காகித மனிதர்கள்.

காலம் காலமாக காதல் கட்டுப்பாடுகளால் பெரிதும் பாதிக்கப்படுவது பெண்மைதான். விவரிக்கவியலா எண்ண ஓட்டங்களும், உணர்ச்சி வசப்பட்ட எதிர்பார்ப்புகளும் கொண்ட பெண்மை, தொடர்ச்சியாக தன் எதிர்பார்ப்புகளை கருக்கிக்கொண்டு, தன் மனதைக் கொன்று, பொற்றோர் இட்டது சட்டமென தன் வாழ்க்கையை வாழ்ந்து தீர்க்கிறது.

இதில் பெருங்கொடுமை Honour Killings எனப்படும் சைக்கோ கொலைகள். ஆயிரமாயிரம் பெண்கள் மற்றும் இளைஞர்கள் தங்கள் கனவுகளோடு சேர்த்து தங்களையும் இழந்து கரந்து போகின்றனர். இது எத்துனை நாட்கள் இப்படியே நகரும்? பெண்மை பெரும் அழிவுசக்தியாக கட்டமைக்கப்பட்ட இந்த சமுதாய, மத, இலக்கிய கற்பனைகள் வெறும் கனவா??

இல்லை அது தன் இயல்பை மீட்டெடுக்கும் நாட்கள் அரங்கேறுகின்றன, அதற்கு அச்சாரமாய் ஹரியான மாநில, கபூல்புர் கிராமத்தை சேர்ந்த சோனம் என்ற பெண் கிளம்பியுள்ளார்.

ஒரே கோத்திரம், மூத்திரம் என உதவாத சாத்திர கதைகளை சொல்லி தன் காதலைபிரிக்க நினைத்த தன் குடும்பத்தை சேர்ந்த 7 பேரை கொன்று தன் வெறியாட்டை நிகழ்த்தியிறுக்கிறார். இனி இது தொடர் கதையாய் நிகழ வாய்ப்பிருக்கிறது.

மூட்டு வேன்கொல் தாக்கு வேன்கொல்

ஓரேன் யானுமோர் பெற்றி மேலிட்டு

ஆஅ ஒல்லெனக் கூவு வேன்கொல்

அலமரல் அசைவளி அலைப்பவென்

உயவுநோ யறியாது துஞ்சும் ஊர்க்கே.

தன் காதலின் வலி தெரியாமல் தூங்கும் ஊரை ஒரு வழி செய்திவிடுவதாக பெண்புலியென உறுமும் அவ்வையார்களை நாம் வைதீக மூட்டைகளின் கட்டுப்பாட்டில் எங்கோ தொலைத்துவிட்டோம். What goes around, comes around!

எத்தனை காலம் தான் பெண்கள் அடங்கி அடிமையாய் வாழ்க்கையை தொலைத்து நடைபிணங்களாய் மடிவார்கள்? இது நாள் வரை சமூகமும், குடும்பமும் காதலர்களை கொன்று குவித்த காலித்தனத்திற்கொல்லாம் பதிலிறுக்க புறப்பட்ட சோனத்திற்கு என் வந்னங்கள்.

உதவாத காரணங்களுக்கெல்லாம் கொலைகள் நிகழ்தப்படும் இந்த காலத்தில், lets kill some parents for the sake of love. கொலை தீர்வாகிவிடுமா என ethical questioning எழுப்பும் மி.கி.மா’களுக்கு... மவனே அடுத்த டார்கொட் நீதான்... உஷாரா இருந்துக்கோ.

கலித்தொகை - ஓடிப்போன மகள் - தேடும் தாய்

எட்டுத்தொகை நூல்களில் ஒன்று, சங்க இலக்கியம். சீரற்ற அடிகளில் சற்றே பெரிய பாடல்களாய் 150 காதல் பாடல்கள். திணைக்கு முப்பது பாடல்களாய், ஐந்து திணைக்கு 150 பாடல்கள். அனைத்துமே காதலின் பல்வேறு பரிமாணங்களை சங்கப் பார்வையில் சொல்கிறது.

கற்றரிந்த ஒரு சான்றோர் கூட்டம் அவ்வழி சொல்கிறது, அவர்களிடம் தன் ஓடிப்போன மகளைப் பற்றி கேட்கிறார் அந்த தாய். அதற்கு அவர்கள் கூறும் பதிலுரை மிகவும் யதார்த்தமாக, உண்மையை நச்சென்று உரைப்பதாகவும் - அந்தகாலத்தில் காதலுக்கு இருந்த மரியாதையை குறித்தும் நமக்கு உண்ர்த்துகிறது. காதலர்கள் மட்டுமே காதலை காக்காமல், ஒட்டுமொத்த சமுதாயமுமே காதலெனும் கொடியை உயர்த்தி பிடிக்கிறது. அச்சான்றோர் பெரும்பாலும் சமண முனிகளாக இருக்கலாம்.

இனி பாடலை கவனிப்போம்.

எறித்தரு கதிர் தாங்கி ஏந்திய குடை நீழல்,

உறித் தாழ்ந்த கரகமும், உரை சான்ற முக்கோலும்,
நெறிப்படச் சுவல் அசைஇ, வேறு ஓரா நெஞ்சத்துக்
குறிப்பு ஏவல் செயல் மாலைக் கொளை நடை அந்தணீர்!-
வெவ் இடைச் செலல் மாலை ஒழுக்கத்தீர்; இவ் இடை,

என் மகள் ஒருத்தியும், பிறள் மகன் ஒருவனும்,
தம்முள்ளே புணர்ந்த தாம் அறி புணர்ச்சியர்;
அன்னார் இருவரைக் காணிரோ? பெரும!'

'காணேம் அல்லேம்; கண்டனம், கடத்திடை;
ஆண் எழில் அண்ணலோடு அருஞ் சுரம் முன்னிய
மாண் இழை மடவரல் தாயிர் நீர் போறிர்;

பல உறு நறுஞ் சாந்தம் படுப்பவர்க்கு அல்லதை,
மலையுளே பிறப்பினும், மலைக்கு அவைதாம் என் செய்யும்?
நினையுங்கால், நும் மகள் நுமக்கும் ஆங்கு அனையளே!

சீர் கெழு வெண் முத்தம் அணிபவர்க்கு அல்லதை,
நீருளே பிறப்பினும், நீர்க்கு அவைதாம் என் செய்யும்?
தேருங்கால், நும் மகள் நுமக்கும் ஆங்கு அனையளே!

ஏழ் புணர் இன் இசை முரல்பவர்க்கு அல்லதை,
யாழுளே பிறப்பினும், யாழ்க்கு அவைதாம் என் செய்யும்?
சூழுங்கால், நும் மகள் நுமக்கும் ஆங்கு அனையளே!

எனவாங்கு,
இறந்த கற்பினாட்கு எவ்வம் படரன்மின்;
சிறந்தானை வழிபடீஇச் சென்றனள்;
அறம் தலைபிரியா ஆறும் மற்று அதுவே

தாய்: அந்தணர்களே, என் மகள் இன்னெரு ஆண் மகனோடு அவ்வழி சென்றதைப் பார்த்தீர்களா? (இங்கு தாய் அந்தணர்களை புகழ்வது, அவர்கள் பொய்யுரைக்க இயலாதவாறு ஒரு சூழலில் அவர்களை கட்டும் நோக்கம் என்றே தோன்றுகிறது - ஐஸ் வைக்கிறது)

அந்தணர்: பார்த்தோம், வேலி (அ) காட்டுப்பக்கம். கவலைப்படாமல் நீங்கள் செல்லுங்கள்.

மலையில் பிறந்தாலும் சந்தனம் மலைக்கு சொந்தமல்ல, கடலில் விளைந்தாலும் முத்து கடலுக்கு சொந்தமல்ல, யாழில் பிறந்தாலும், இசையால் யாழுக்கு ஏதும் பயனில்லை, கேட்பவர்க்கே பயன்.

அதுபோல, உங்கள் மகளும் உங்களுக்கு சொந்தமல்ல. சிறந்தவன் ஒருவனை வழித்தொடர்ந்து சென்றிருக்கிறாள். அதில் தவறொன்றும் இல்லை மற்றும் அதுவே அறமும் ஆகும் என நினைத்து கவலையை விடுங்கள்.

இறந்த கற்பினாட்கு- என்பது மிகுந்த கற்பினள் என்பது பொருள் அல்லது நிறைந்த கற்பினள்

ஓடிப்போவது அப்போதிருந்தே நிகழ்வது. மனதில் வரித்துக்கொண்டவனை விட்டு வேறொருவனுடன் வாழ்வது கற்பாகாது என பெண்கள், காதலனுடன் வீட்டை விட்டு வெளியேறுவது தமிழர் நியதி..

சென்றவளுக்காக வருந்தவேண்டாம் என அந்தணர்கள் –அறிஞர்கள் அந்த அன்னைக்கு அறிவுரை கூறுகின்றனர். இன்றைக்கும் இந்த பாடல் காட்சிகளை நான் அன்றாடம் காண்கிறேம்-(நன்றி தினத்தந்தி -தினமலர், தமிழ்சினிமா).

செய்திக்கும் –செய்யுளுக்கும் எத்துணை வேறுபாடு கூர்ந்து நோக்கின். அவ்வேறுபாடே நம் பண்பாட்டு வீழ்ச்சியை காட்டுகிறது. பழந்தமிழ் வாழ்கையின் எளிமையும், இனிமையும், பண்பும் ஒழிந்து இன்று சாதி, நிறம் என கூறுபட்டு கிடக்கிறது தமிழனின் வாழ்க்கை.

மோடிக்லியானி - திரைப்படம் - ஓவியம்

Modigliani திரைப்படம் பார்ப்பதற்கு முன்பே அவரைப் பற்றி வாசித்திருக்கிறேன். பிக்காசோ’வின் சமகாலத்தவர் மற்றும் நண்பர். அதீத குடிப்பழக்கம் மற்றும் மோசமான உடல்நிலையால் இளவயதிலேயே மரணித்தவர்.

Andy Garcia நடித்த Modigliani என்ற திரைப்படம் அவரின் வாழ்க்கை வரலாறு. அருமையான திரைப்படம். ஓவியத்தில் ஆர்வமுள்ளவர்களுக்கு Modiglianiயை தெரிந்திருக்க வாய்ப்புகள் அதிகம். அந்த திரைப்படத்தின் முடிவில், பிக்காசோவும், அவரும் மற்ற ஓவியர்களும் ஒரு ஓவியப்போட்டியில் பங்குபெறுவர். அதற்காக Modigliani வரையும் ஓவியம் உலகபுகழ்பெற்றது.

அதை உந்துதலாக கொண்டு நான் ஒரு படம் வரைந்தேன் சமீபத்தில். எண்னெய் வண்ணம். உங்களின் பார்வைக்கு.

zeestudioவில் அடிக்கடி Modigliani திரைப்படம் போடுவார்கள். அலுக்காத படம் - Art Film - Artist குறித்த படம். ஹஹ.

மேலதிக விவரம் வேண்டுவோர் விக்கிபீடியாவில் இவரை பிடிக்கலாம். இந்த முகவெட்டிற்கு Andy Garcia பொருத்தமான தேர்வு. இவரின் காதல் மனைவி இவர் இறந்த இரண்டு நாளில் தற்கொலை செய்து கொண்டார் - காவிய - ஓவியக் காதல். மிகவும் அழகான காதல் கதை இவர்களுடையது. :(.

ஆயிரத்தில் ஒருவனின் வரலாற்றுப் பிழை - வைரமுத்து மற்றும் கர்நாடக சங்கீதம்

தமிழை புனரமைத்ததில் சோழர்களின் பங்கு மகத்தானது. பல்லவ காலம் வரை பிராகிருதம், சமசுகிருதம் என அரசாங்க கல்வெட்டுகளில் இடம்பெற்ற நிலை மாறி, தமிழ் முழுமூச்சுடன் அரசாங்க மொழியாக நிலைபெற்றது சோழர்களின் ஆட்சிக்காலத்தில் தான். ராஜராஜரின் காலம் முதல் தமிழ் கோயில் மொழியாகவும் நிலைபெற்றது.

ராசராசரின் காலம் 10ஆம் நூற்றாண்டு. அக்காலத்திய ராசராசேசுவர உடையார்(தஞ்சை பெரிய கோயில்) கோவிலின் கல்வெட்டுகள் மிகத்தெளிவாக திருப்பதிகம் கோவிலில் ஓதப்பட்டதாக சொல்கின்றன. திருமறை கண்ட சோழன் என ராசராசர் மிகவும் மதிப்புடன் வழங்கப்படுகிறார்.

From எயில் நாடன்

>

பார்க்க: கல்வெட்டின் படி இணைப்பு.

சம்பந்தர், நாவுக்கரசர் மற்றும் நம்பியாண்டார் நம்பி பெயர்களில் தனித்தனி குழு அமைத்து 48 பேர் திருப்பதியம் ஓதுவதும் இருவர் அதற்கு வாசிப்பதும் என 50 பேர் கொண்ட குழுவுக்கு அளிக்கப்பட்ட ஊதியம் கல்வெட்டாக வடிக்கபப்ட்டுள்ளது தஞ்சை பெருவுடையார் கோவிலில்.

நிற்க.

ஞாயிரன்று ஒளிபரப்பான ஆயிரத்தில் ஒருவன் ஒலிநாடா வெளியீட்டு விழாவில் நெல்லாடிய நிலமெங்கே எனும் பாடலுக்கு வைரமுத்து அவர்கள், நீலகண்ட சாஸ்திரி முதல் ராசமாணிக்கனார் வரை வரலாற்றை மீள்வாசிப்பு செய்து பாடல் எழுதியதாக தம்பட்டம் அடித்தார். இருந்து விட்டு போகட்டும் - கூடவே நித்யசிரி மகாதேவன் ஒரு தெலுங்கு பாடலை பாடினார். துணுக்குற்றேன் நான்.

சோழர்கள் காலத்தில் ஏது தெலுங்கு கர்நாடக சங்கீத பாடல்??

கர்நாடக சங்கீதத் தந்தையான புரந்தரதாசர் விஜயநகர பேரரசர் காலத்தவர். காலம் பதினைந்தாம் நூற்றாண்டு. விஜயநகர பேரரசின் வருகையை முன்னிட்டே தமிழகத்தில் தெலுங்கின் வாசம் ஆரம்பிக்கிறது. அதுவும் ஆட்சி மொழியாக இல்லாமல் குமுகாய வழக்கில் பேச்சு மொழியாக. 16-17 நூற்றாண்டில் தெலுங்கு கருநாடக இசையில் - தமிழகத்தில் நுழைகிறது.

இந்த பின்புலத்தில் சோழர்கள் குறீத்த வரலாற்று படமான ஆயிரத்தில் ஒருவனில் (சோழம் என பாடல் வரிகளில் வருகின்றது மற்றும் அவர்கள் பெரியகோவிலை பலமுறை விளம்பரத்தில் காட்டினார்கள்! ) தெலுங்கு பாடல எந்த வரலாற்று அறிவு ஜீவியின் கருத்தமைவு எனத்தெரியவில்லை. துணை இயக்குநர்கள் சற்று சிரத்தை எடுத்திருக்கலாம். தெலுங்கு சோழர்கள் என ஒரு பிரிவு இருந்த போதிலும் இவர்கள் பல்லவ-சோழ கூட்டுறவில தெலுங்கு தேசத்தில் ஆட்சிபுரிந்தவர்கள், தமிழே அப்போதும் ஆட்சிமொழி.

தெலுங்கு முழுவீச்சில் தற்போதைய ஆந்திராவில் வலம்வரத்துவங்கியது கிருஷ்ணதேவராயரின் காலத்தில். அதும் அங்கு - தமிழகத்தில் அல்ல. எனவே தமிழுக்காய் வாழ்ந்து மடிந்த நிகரில் சோழமண்டல அரசர்கள் தெலுங்கு பாடலை கேட்பது செல்வாவின் புண்ணியத்தில் தான்! கடல்கடந்து வென்றாலும் இன்னமும் அவர்களின் கல்வெட்டுகள் தமிழையே தாங்கி நிற்கிறது. கோலார் /பட்கல் என தூரத்து கன்னட கோயில்களிலும், பெங்களூர் கோயிகளிலும் தமிழ் கல்வெட்டுகள் இன்னமும் உள்ளன.

வைரமுத்துவாவது சொல்லி இருக்கலாம். நீலகண்ட சாஸ்திரியும் ராசமாணிக்கனாரும் அவருக்கு புகட்டிய வரலாற்று அறிவு இதுதானா?? வசனம் என்றால் விட்டுவிடலாம், பாடல் என்பது வைரத்தின் இலாகா தானே?? 12 இல்லை 13-14ம் நூற்றாண்டு என்றாலும் அது தமிழிசை தான். தெலுங்கில் கருநாடக சங்கீதம் பாடப்பட்டது மிகச்சமீபமாகவே. அதற்குமுன் திருப்பதிகமும், பாசுரங்களும் நெஞ்சை அள்ளும் தமிழில் கோயில்கள் தோறும் பாடப்பட்ட பொற்காலம் அது.

பரதநாட்டியம் அல்லது பழந்தமிழ் என்றாலே தெலுங்கு பாடல்கள் என்ற பொதுப்புத்தியை எந்தச்செருப்பெடுத்து விளாசுவது எனத்தெரியவில்லை.