தேடிவந்து தெரிவிக்கப்படும் அன்பு
ஆர்வமற்று புறக்கணிக்கப்படுகிறது
மழைநேரத்தில் கீழிறங்கும் இலையின்
கவனிப்பாரற்ற பிரிவைப்போல
புதுப்புனலின் செம்பட்டை நீரில்
அடையாளமற்று சகதியில் மக்கும்
மெல்லியவெயில் பிரதிபலித்து
உங்கள் கவனம் பறிக்கும்
பசுந்தளிரின் இளநரம்புகளில்
குதுகலங்கொண்டு பாயும்
உயிர்மையின் அடையாளங்கள்
உங்களுக்கு பரிச்சயமான ஒன்றுதான்
உதிர்வதெல்லாம் உயிர்த்தெழுமென்பதை
நீங்கள் அறிந்திருக்கும்வரை.
உயிர்த்தெழுதலின் சாட்சி நீங்களாகவே
இருக்கப்போவதில்லை எப்பொழுதும்
என்பதை அறிந்திருக்கும்வரையிலும்.
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக